अभिनय
आठवते का तुज
सवाल मी केला होता!
उत्तर देण्याचा तूही तेव्हा
अभिनय केला होता!
का?...
प्रश्न माझ्या ओठांतच विरला होता!
हुंदका दाबण्याचा तूही तेव्हा
अभिनय केला होता!
गेलीस अशी की
ना आलीस तू परतून!
येता आठवण म्हणे झुरण्याचा तूही तेव्हा
अभिनय केला होता!
प्रश्न कसले उत्तर-रहित!
हुंदके कुठले भाव-रहित!
झुरणे कुठले प्रेम-रहित!
सवे तुझ्या जगण्याचा मीही तेव्हा
अभिनय केला होता!
हिमांशु डबीर
१०-जून-२०१०
प्रेरणा - कवीवर्य सदानंद डबीर यांची "अभिनय" हि गझल!
No comments:
Post a Comment